شو بحكيلك يا جدي
عن جدك هدا الختيار
طلعنا وحامينا الجبار
بدنا نشيلك يا بشار
اتاري الاوغاد كتار
بدهم نحرق هاك الدار
لما كنا ولاد صغار
وكان التلج معبي الدار
نركض نركض طول نهار
ندوّر حطب نشعّل نار
ياجدي اللـ بكذب عالنار
بحكيلك قصة هالدار
لك لافي حطب ولا في نار
كل القصة ولاد صغار
وخيمة ووحل ويا للعار
تاريخ وكله اشرار
طلعنا نشيلك يا بشار
اتاري الاوغاد كتار
بدهم نحرق هاك الدار
ياجدي بحكيلك حرف
لا تخشى الا هالجار
جار بيضرب سيف بظهر
وجار بيضرب بالاحجار
وجار ال بيشوفك بتموت
صامت صامت متل جدار
وغصباً عنهم بدنا نعيش
وبدنا نشيلك يا بشار
يا جدي بحكيلك شي
لا تصدق كذبة الاعراب
كذبة كبيرة قد الكون
مفضوحة بدون اسباب
لما بتنخاهم بتشوف
نياب ذياب خلف حجاب
وبدها تنهش لحم الطير
وتاكلهم لحظة الغياب
يا ويلي كذبة الاعراب
يرويها رجل سوري لحفيده بعد حوالي 50 عام
الشاعر محمد طكو
0 التعليقات